БЕЛ Ł РУС

У нямецкай псіхіятрычнай клініцы для асуджаных пачаўся бунт 

10.05.2025 / 14:25

Nashaniva.com

У клініцы для асуджаных з псіхічнымі парушэннямі Бэдбург-Хаў пачаўся бунт, піша Bild. Раніцай адзін з пацыентаў зладзіў пагром і забарыкадаваўся ў будынку. Там адбыўся пажар, на месца з'ехаўся спецназ у ўсяго рэгіёну.

Клініка ў Бэдбург-Хаў. Фота: Jan Ohmen / Bild

Да 27-гадовага хлопца, які зладзіў пагром і, як мяркуецца, быў п'яны, далучыліся іншыя пацыенты. Прынамсі пяць чалавек пачалі падпальваць мэблю і будаваць барыкады.

У клініцы пачаўся пажар. Некаторыя супрацоўнікі ўстановы змаглі выратавацца. Цяпер праводзіцца эвакуацыя іншых пацыентаў.

На месца выехаў спецназ з усяго рэгіёну — у тым ліку той, што спецыялізуюцца на сітуацыях з захопам закладнікаў. Да будынка падцягнулі браняваныя аўтамабілі, спецназаўцаў перакідваюць на верталётах.

Для магчымага штурму да будынка клінікі прыехаў спецыяльны грузавік з мабільнай рампай, якая дазваляе пранікнуць у будынак праз дах.

Чытайце таксама:

Каментары да артыкула