ZŠA zaklučyli handlovaje pahadnieńnie ź Vialikabrytanijaj
Złučanyja Štaty Amieryki zaklučyli handlovaje pahadnieńnie ź Vialikabrytanijaj. Heta pieršaja damoŭlenaść ź dziasiatkaŭ krain, u dačynieńni da jakich ZŠA niadaŭna ŭviali novyja myty. Pra zaklučeńnie pahadnieńnia paviedamiŭ prezident ZŠA Donald Tramp va ŭłasnaj sacsietcy Truth Social.
Donald Tramp (sprava) z premjeram Vialikabrytanii Kiram Starmieram. Fota: Carl Court — Pool/Getty Images
«Uličvajučy našu šmathadovuju historyju i ahulnuju addanaść, dla nas vialiki honar, što mienavita Vialikabrytanija stała našaj pieršaj ździełkaj, pra jakuju my abviaścili», — napisaŭ Tramp.
Tramp nazvaŭ ździełku «poŭnaj i ŭsioachopnaj», jakaja ŭmacuje adnosiny pamiž Vašynhtonam i Łondanam na doŭhija hady ŭ budučyni. Jon taksama dadaŭ, što niekalki inšych pahadnieńniaŭ znachodziacca na prasunutym etapie pieramoŭ i buduć zaklučanyja paźniej.
Praŭda, ekanamisty papiaredžvajuć: havorka ŭ hetym vypadku idzie nie pra paŭnavartasnuju handlovuju damovu, a tolki pra papiaredniuju damoŭlenaść na ŭzroŭni administracyi. Poŭnafarmatnyja miždziaržaŭnyja pahadnieńni, jak praviła, rychtujucca hadami i patrabujuć ratyfikacyi parłamientami abiedźviuch krain.
Čytajcie taksama:
Tramp zdaje nazad: ZŠA źniziać šalonyja taryfy ŭ dačynieńni da kitajskich tavaraŭ
ZŠA admianili novyja handlovyja myty dla kampjutaraŭ i smartfonaŭ. U tym liku i z Kitajem