Ukraina atakavała arsienał daloka za Maskvoju, idzie evakuacyja žycharoŭ
100-y arsienał Minabarony Rasii raźmieščany kala horada Nieja Kastramskoj vobłaści. Ciapier tam abvieščanaja evakuacyja.
Jość padstavy dumać, što ŭłady chavajuć nastupstvy ŭdaru, bo žycharoŭ haradka ź siamitysiačnym nasielnictvam evakujujuć.
«Siońnia ranicaj na terytoryi Niejskaha rajona Kastramskoj vobłaści była adbita ataka ŭkrainskaha bieśpiłotnika. Razbureńniaŭ i paciarpiełych niama», — paviedamiŭ u svaim telehram-kanale hubiernatar vobłaści Siarhiej Sitnikaŭ.
Čatyrma hadzinami paźniej jon ža napisaŭ:
«Apieratyŭny štab pryniaŭ rašeńnie ab evakuacyi žycharoŭ z paŭdniovaj častki horada dziela biaśpieki. Kiraŭnik rehijona sustreniecca ź ludźmi i asabista pravieryć umovy, stvoranyja dla niejcaŭ u punkcie časovaha raźmiaščeńnia».
100-y arsienał Minabarony Rasii. Fota wikimapia.org
Fota i videa ź Niei pakul niama.