Украіна атакавала арсенал далёка за Масквою, ідзе эвакуацыя жыхароў
100-ы арсенал Мінабароны Расіі размешчаны каля горада Нея Кастрамской вобласці. Цяпер там абвешчаная эвакуацыя.
Ёсць падставы думаць, што ўлады хаваюць наступствы ўдару, бо жыхароў гарадка з сямітысячным насельніцтвам эвакуююць.
«Сёння раніцай на тэрыторыі Нейскага раёна Кастрамской вобласці была адбіта атака ўкраінскага беспілотніка. Разбурэнняў і пацярпелых няма», — паведаміў у сваім тэлеграм-канале губернатар вобласці Сяргей Сітнікаў.
Чатырма гадзінамі пазней ён жа напісаў:
«Аператыўны штаб прыняў рашэнне аб эвакуацыі жыхароў з паўднёвай часткі горада дзеля бяспекі. Кіраўнік рэгіёна сустрэнецца з людзьмі і асабіста праверыць умовы, створаныя для нейцаў у пункце часовага размяшчэння».
100-ы арсенал Мінабароны Расіі. Фота wikimapia.org
Фота і відэа з Неі пакуль няма.