Dziaŭčyna atrymała ŭ tvar za toje, što jeła bialaš u tralejbusie
Sud Babrujskaha rajona i horada Babrujska 2 maja razhledzieŭ niezvyčajnuju spravu ab chulihanstvie ŭ hramadskim transparcie. U sakaviku abvinavačany raptam nakinuŭsia na nieznajomuju dziaŭčynu za toje, što jana zajšła ŭ sałon ź bielašom. Padrabiaznaści paviedamlaje sajt Viarchoŭnaha suda.
Mužčyna, pa viersii śledstva, schapiŭ dziaŭčynu za vałasy i ŭdaryŭ dvojčy — adzin raz pa tvary, druhi — pa ruce. Pry hetym, sa słoŭ śviedak, mužčyna pavodziŭ siabie aburalna i hučna vykazvaŭ niezadavolenaść pacham ježy ŭ sałonie.
Sam abvinavačany na sudzie admaŭlaŭ, što dziejničaŭ z chulihanskich pamknieńniaŭ. Sud pryznaŭ jaho vinavatym pavodle č. 1 art. 339 KK (chulihanstva) i pryznačyŭ štraf 30 bazavych adzinak — 1260 rubloŭ.
Taksama jon pavinien vypłacić 500 rubloŭ kampiensacyi maralnaj škody paciarpiełaj i 126 rubloŭ dziaržpošliny. Prysud u zakonnuju siłu pakul nie ŭstupiŭ i moža być abskardžany.