BIEŁ Ł RUS

Vučyč nie źbirajecca admianiać vizit u Maskvu na 9 maja: Ja skazaŭ Pucinu, što pryjedu

1.05.2025 / 19:14

Nashaniva.com

Prezident Sierbii Alaksandr Vučyč jašče ŭ sakaviku kazaŭ, što płanuje naviedać Maskvu na 9 maja ŭ 80-ju hadavinu pieramohi ŭ Druhoj suśvietnaj vajnie. Jaho zaprasiŭ Pucin.

Alaksandr Vučyč (źleva) z prezidentam Rasii Uładzimiram Pucinym. Archiŭnaje fota: Mikhail Klimentyev, Sputnik, Kremlin Pool Photo via AP

U Jeŭrakamisii papiaredzili Vučyča pra nastupstvy vizitu ŭ Maskvu. Ale jon ad płanaŭ nie admaŭlajecca.

«Adno tolki pytańnie, jakoje pakarańnie paniasuć Vučyč i Sierbija? Jany kažuć, što pakarajuć mianie, što zakujuć u łancuhi. Sierbija znachodzicca na jeŭrapiejskim šlachu, ale ja asabista hatovy da ŭsich vidaŭ pakarańnia. Ja strymaju svajo słova, ja skazaŭ prezidentu Pucinu, što pryjedu i ja pajedu», — skazaŭ Vučyč haziecie «Viačernija naviny».

Sierbija padała zajaŭku na ŭstupleńnie ŭ Jeŭrasajuz u 2009 hodzie i atrymała status kandydata ŭ 2012-m. 29 krasavika Vučyč sustreŭsia ź jeŭrakamisaram u pytańniach pašyreńnia ES Martaj Kos i taja pieradała jamu aficyjnaje papiaredžańnie ab tym, što jaho vizit u Rasiju ŭskładnić pieramovy ab pryjomie krainy ŭ ES. 

Na 9 maja ŭ Maskvu źbirajecca i premjer-ministr Słavakii Robiert Fica.

Čytajcie taksama:

Łukašenka, Pašynian, Fica i Dodzik. Chto jašče pryjedzie na Parad Pieramohi ŭ Maskvu?

Vučyč prakamientavaŭ 100-tysiačny pratest u Białhradzie

Sierbija adklikała svoj hołas u padtrymku rezalucyi Hienasamblei AAN z asudžeńniem Rasii

Alaksandr Vučyč pakajaŭsia, što Sierbija prahałasavała ŭ AAN za rezalucyju z asudžeńniem Rasii

Kamientary da artykuła