Takier Karłsan abvinavaciŭ Zialenskaha ŭ datyčnaści da zamachu na Trampa
Amierykanski televiadoŭca Takier Karłsan, viadomy svaimi prarasijskimi simpatyjami, u intervju svajoj kalezie Miehin Keli nakinuŭsia z žorstkaj krytykaj na prezidenta Ukrainy Uładzimira Zialenskaha i ŭkrainskaje kiraŭnictva ahułam.
Takier Karłsan. Fota: Gavriil Grigorov, Sputnik, Kremlin Pool Photo via AP
Takier Karłsan padčas intervju śćviardžaŭ:
«Zialenski — vorah ZŠA. Jahony ŭrad sapraŭdy davoli ciomny, urad Zialenskaha sprabavaŭ zabić peŭnuju kolkaść ludziej, uklučajučy viadomych kansiervataraŭ. Mienavita jon byŭ datyčny da zamachu na zabojstva Trampa na poli dla holfa ŭ Fłarydzie».
Taksama jon śćviardžaŭ pra nibyta ciapierašniuju nielehitymnaść Uładzimira Zialenskaha.
Akramia taho, jon aburaŭsia abmiežavańniami, jakija nakładajucca va Ukrainie na Ukrainskuju pravasłaŭnuju carkvu Maskoŭskaha patryjarchatu i abvinavačvaŭ ukrainskaje kiraŭnictva ŭ nibyta pieraprodažy vajskovaj dapamohi ZŠA. Usie hetyja tezisy supadajuć z prapahandysckimi naratyvami Kramla.
Takier Karłsan — amierykanski kansiervatyŭny žurnalist, były viadučy Fox News. Jon viadomy svaim siabroŭstvam z Donaldam Trampam i dobrazyčlivym staŭleńniem da Rasii. Tolki ŭ minułym hodzie jon braŭ intervju va Uładzimira Pucina, ministra zamiežnych spraŭ Rasii Siarhieja Łaŭrova i adyjoznaha fiłosafa Alaksandra Duhina.
Čytajcie taksama:
Kreml adkazaŭ na zajavu Takiera Karłsana ab zamachu na Pucina
Łaŭroŭ daŭ prymirenča-spakuślivaje intervju Karłsanu
U ofisie Zialenskaha abvierhli, što prezident daść intervju Takieru Karłsanu
Takier Karłsan uziaŭ intervju ŭ adyjoznaha fiłosafa Alaksandra Duhina
Pavieł Duraŭ daŭ intervju Takieru Karłsanu
«Denacyfikacyja — samaje tupoje, što ja čuŭ» — Takier Karłsan pra intervju z Pucinym
Jakija histaryčnyja dakumienty pra Ukrainu Pucin pakazaŭ Karłsanu