Trenier žanočaj zbornaj Biełarusi pa handbole: U mianie ŭ kožnaj kamandzie byli leśbijanki. Zamiłoŭvajuć sproby heta rehulavać
Valeryj Piaŭnicki ličyć baraćbu ź ludźmi, jakija majuć ciahu da svajho połu, hłupstvam.
Valeryj Piaŭnicki. Fota: pres-słužba BFH
Hałoŭny trenier žanočaj zbornaj Biełarusi pa handbole Valeryj Piaŭnicki raskazaŭ, jak stavicca da hulcoŭ ź nietradycyjnaj seksualnaj aryjentacyjaj.
U treniera spytalisia, jakoje samaje nie žanočaje zachapleńnie jon sustrakaŭ u svaich vučanic, piša Betnews. Piaŭnicki vyrašyŭ parazvažać pra aryjentacyju.
«Heta pra leśbijanak, ci što? Davoli raspaŭsiudžanaja źjava za miažoj, u mianie ŭ kožnaj kamandzie byli takija dziaŭčaty. Dy i ŭ našych taksama. Ale ja narmalna da hetaha staŭlusia.
Dakazana ž, što 10% nasielnictva płaniety adčuvaje ciahu da pradstaŭnikoŭ svajho połu, i mianie zaŭsiody zamiłoŭvajuć sproby kahości ŭziacca hety praces rehulavać», — skazaŭ trenier.
Piaŭnicki za karjeru paśpieŭ papracavać u jeŭrapiejskich i afrykanskich kłubach, a taksama patreniravać zbornuju Azierbajdžana.