U Škłovie daišniki spyniali pjanaha kiroŭcu sa stralboj
Pra ŭžyvańnie nočču na 28 krasavika supracoŭnikami DAI zbroi dla spynieńnia pjanaha kiroŭcy ŭ Škłovie paviedamlaje pres-słužba MUS.
Skrynšot ź videa
Pavodle infarmacyi ministerstva, nočču inśpiektary DAI zahadali spynicca kiroŭcu aŭtamabila «Niva». Ale jon praihnaravaŭ ich patrabavańnie i pasprabavaŭ uciačy, jedučy pa darozie Orša — Škłoŭ — Mahiloŭ.
«Paśla nieadnarazovych papiaredžańniaŭ ab vykarystańni zbroi inśpiektar zrabiŭ prycelnyja streły pa kołach. Aŭto spynili», — paviedamili ŭ MUS.
U apublikavanym roliku bačny momant traplańnia ŭ koła, paśla čaho mašyna pačynaje vichlać i spyniajecca. Kiroŭcam akazaŭsia 55-hadovy žychar Aršanskaha rajona. Raniej jon užo byŭ pazbaŭleny pravoŭ na kiravańnie.
U mužčyny byli prykmiety apjanieńnia. Praviedzienaja ekśpiertyza zaśviedčyła najaŭnaść u kryvi 1,3 pramile ałkaholu. U dačynieńni da parušalnika składziena 8 administracyjnych pratakołaŭ, jon źmieščany ŭ IČU.