Pratasievič usio ž taki znajšoŭ novuju pracu

Raman Pratasievič paviedamiŭ u svaim telehram-kanale, što jamu ŭdałosia pieraadoleć raniej uźnikłyja prablemy i pracaŭładkavacca. Siońnia byŭ pieršy pracoŭny dzień.

Raman Pratasievič. Fota ilustracyjnaje

Praca, jakuju znajšoŭ Pratasievič — viełakurjer «u adnym papularnym servisie». 

Ź niepryvyčki jana pakul što dajecca niaprosta:

«Adpracavaŭ usiaho 4 hadziny, ale nižniaja častka cieła prosta advalvajecca». 

Ale zatoje možna budzie źmienšyć nahruzki ŭ trenažornaj zale. 

Raniej Pratasievič pisaŭ, što paśla zvalnieńnia z pracy zvarščykam na Minskim elektratechničnym zavodzie imia Kazłova z novym pracaŭładkavańniem u jaho ŭźnikli niemałyja prablemy: admovy atrymlivaŭ «litaralna ŭsiudy»:

«Heta, miakka kažučy, razdušvaje. Ja nie razumieju, što mnie rabić, dzie mnie pracavać, ja adčuvaju, što ŭ mianie niama litaralna nijakich pierśpiektyŭ, i ja litaralna nikomu nie patrebien», — pryjšoŭ tady da vysnovy raniej apazicyjny, a ciapier praŭładny błohier. 

Kamientary da artykuła