Handlovy centr Avia Mall adkryjuć u mai
Haradskija ŭłady paviedamili, što handlovy centr Avia Mall adkryjecca ŭ žyllovym komplekcie «Minsk-Śviet» u mai 2025 hoda. Infarmacyja apublikavanaja ŭ aficyjnym telehram-kanale Kastryčnickaha rajona Minska.
Pavodle słoŭ namieśnika kiraŭnika administracyi Kastryčnickaha rajona Dzianisa Vichrenki, adkryćcio padobnaha bujnoha HC patrabuje ad zabudoŭščyka dbajnaj prapracoŭki ŭsich aśpiektaŭ, u tym liku jurydyčnych, jakija tyčacca arendnych adnosin, a taksama zachavańnia normaŭ i standartaŭ biaśpieki, vykanańnia patrabavańniaŭ zakanadaŭstva. Čynoŭnik adznačyŭ, što hety praces niachutki i pracajomki.
Namieśnik kiraŭnika administracyi ŭdakładniŭ, što zabudoŭščykam viadziecca praca pa kaardynacyi dziejnaści arandataraŭ, jakija pravodziać pieraastalavańnie i pierapłaniroŭku arendnych płoščaŭ ŭnutry handlovaha centra Avia Mall.
Hałoŭnym arandataram u novapabudavanym HC vystupić TAA «Hrynroźnica», udakładniŭ Dzianis Vichrenka.
Raniej paviedamlałasia, što hipiermarkiet Green pačnie pracavać u hetym handlovym centry z 30 krasavika.
Čytajcie taksama:
Stała viadoma, kali narešcie źjavicca žyćcio ŭ HC Avia Mall u Minsku
«Jak na korm śvińniam»: hladzicie, što ciapier z bulbaj u Minsku
Kasy samaabsłuhoŭvańnia patrabujuć biełarusaŭ skanavać adrazu dva kody. Što adbyvajecca?
U Breście niesumlenny pakupnik viarnuŭ u kramu stary niaspraŭny tavar zamiest novaha