Volha Čamadanava stała madellu na modnym defile FOTAFAKT

9 krasavika u ramkach Belarus Fashion Week prajšoŭ «dabračynny Vasilkovy hała-pakaz», dzie byli pradstaŭlenyja kuciurnyja ŭbory biełaruskich dyzajnieraŭ. Siarod udzielnikaŭ hetaha mierapryjemstva byli i tyja, jakija nabyli viadomaść u zusim inšaj śfiery dziejnaści.

Fota tut i dalej: bfbusiness.by

Adnym z saarhanizataraŭ hetaha mierapryjemstva staŭ Biełaruski sajuz žančyn, a siarod udzielnic zaśviaciłasia staršynia haradskoj arhanizacyi BSŽ, načalnica Hałoŭnaha ŭpraŭleńnia ideałahičnaj raboty i pa spravach moładzi Minharvykankama Volha Čamadanava.

Hetaja žančyna ŭ svoj čas nabyła viadomaść jak pres-sakratarka Ministerstva ŭnutranych spraŭ. Hetuju pasadu jana zajmała i padčas brutalnaha zadušeńnia siłavikami pratestaŭ 2020 hoda.

U kancy 2024 hoda, užo na jaje ciapierašniaj pasadzie, Čamadanava raptam zajaviła pra namier vyłučacca ŭ jakaści sparynh-partniora Łukašenki na prezidenckich vybarach i navat padała dakumienty na rehistracyju svajoj inicyjatyŭnaj hrupy. Ale nieŭzabavie scenaryj vybarčaj kampanii pamianiaŭsia i Čamadanava zajaviła, što zdymaje kandydaturu, bo Łukašenka, maŭlaŭ, lepšy za jaje i taki zapyt hramadstva.

Kamientary da artykuła