Tramp razhladaje mahčymaść prypynieńnia mytaŭ na 90 dzion dla ŭsich krain, akramia Kitaja — ŚMI
Pra novy namier Trampa zajaviŭ dyrektar Nacyjanalnaj ekanamičnaj rady pry Biełym domie Kievin Chaset.
Donald Tramp. Fota: Chip Somodevilla / Getty Images
Nieŭzabavie paśla taho, jak hetaja infarmacyja razyšłasia, Bieły dom nazvaŭ jaje fejkam, paviedamiŭ CNBC. Miž tym na fonie hetych paviedamleńniaŭ kaciroŭki na biržach pajšli ŭvierch.
U toj ža čas sam Tramp zajaviŭ, što «krainy pa ŭsim śviecie» źviartajucca da ZŠA z metaj praviadzieńnia pieramoŭ ab mytach.
«Krainy pa ŭsim śviecie viaduć z nami pieramovy. Nami ŭstanoŭlenyja strohija, ale spraviadlivyja ŭmovy», — napisaŭ Tramp u sacsietcy Truth Social.
Jon adznačyŭ, što, u pryvatnaści, Japonija ŭžo nakiroŭvaje ŭ ZŠA pieramoŭnuju kamandu dla abmierkavańnia mytaŭ. Tramp taksama paviedamiŭ, što raniej u paniadziełak u jaho adbyłasia razmova z premjer-ministram Japonii Siheru Isiba.
Čytajcie taksama:
Na rašeńnie Trampa ŭvieści myty suprać usiaho śvietu akazaŭ upłyŭ fejkavy ekśpiert
Za nibyta chaatyčnaj stratehijaj Trampa staić chitry raźlik. Voś čym heta pahražaje inšym narodam