U Biełaviežskaj puščy paličyli ŭsich zubroŭ
U Biełaviežskaj puščy zaviaršylisia raboty pa ŭliku zubroŭ, jakija pravodzilisia supracoŭnikami Nacyjanalnaha parku «Biełaviežskaja pušča» ŭ studzieni-sakaviku, paviedamlajuć na sajcie nacyjanalnaha parku.
Usiaho ŭličana 726 zubroŭ, 8 ź jakich utrymlivajucca ŭ demanstracyjnych valjerach. U paraŭnańni ź minułym 2024 hodam papulacyja pavialičyłasia na 36 hałoŭ.
Ulikam była achoplenaja ŭsia terytoryja nacyjanalnaha parku, a taksama ziemli sumiežnych ziemlekarystalnikaŭ. Pry praviadzieńni uliku zubroŭ vyznačałasia nie tolki kolkaść žyvioł, ale i struktura papulacyi pa połu i ŭzroście. U vialikich statkach zubroŭ (bolš za 50 asobin) ulik pravodziŭsia z vykarystańniem kvadrakoptara i fotaaparata z daŭhafokusnym abjektyvam.
Pa vynikach uliku ustanoŭlena, što darosłych samcoŭ (starejšych za 3,5 hadoŭ) zarehistravana 132 asobiny, darosłych samak — 378, maładniaku (1,5-3,5 hoda) — 127, cialat 2024 hoda naradžeńnia — 89.
U zimovy pieryjad zubry rehistravalisia na terytoryi Śvisłackaha, Pružanskaha i Kamianieckaha rajonaŭ.
Čytajcie taksama:
U Baškartastan zaviazuć jašče 18 biełaruskich zubroŭ
Biełaviežskaja pušča pradała troch zubroŭ u Tatarstan
U Biełaviežskaj puščy pakazali, jakija žyvioły traplajuć u FOTApastku