Pucin adterminavaŭ dla Biełarusi płaciažy pa rasijskich kredytach. Havorka pra hihanckuju sumu
20 sakavika Uładzimir Pucin padpisaŭ zakon ab ratyfikacyi pahadnieńnia i pratakoła, jakija praduhledžvajuć adterminoŭku płaciažoŭ pa dziaržaŭnych kredytach, dadzienych Rasijaj Biełarusi. Dakumient apublikavany na aficyjnym partale pravavoj infarmacyi Rasii.
Fota: Maxim Shipenkov / Pool Photo via AP
Zakonaprajekt byŭ uchvaleny Savietam Fiederacyi Rasii 14 sakavika. Płaciažy ŭ jakaści pahašeńnia asnoŭnaha doŭhu i płaciažy pa pracentach pieranosiacca z 2024 hoda na pieryjad 2031—2036 hadoŭ.
Ahulnaja suma płaciažoŭ, na jakija raspaŭsiudžvajecca adterminoŭka, składaje kala 800 miljonaŭ dalaraŭ.
Hety ščodry krok zrobleny na fonie tatalnaj padtrymki Biełaruśsiu Rasii na mižnarodnaj arenie, u tym liku ŭ vajnie va Ukrainie. Biełaruś była łahistyčnaj bazaj rasijskaha ŭvarvańnia, a paśla pieraaryjentavała pramysłovaść na patreby frontu.
Čytajcie taksama:
Łukašenka atrymaŭ jašče adnu rasijskuju ŭznaharodu — «Za zasłuhi ŭ raźvićci parłamientaryzmu»
Łukašenka padpisaŭ ukaz ab abmienie z Rasijaj infarmacyjaj pra pierasiačeńnie miažy
Łukašenka padpisaŭ zakon ab uzajemnych harantyjach biaśpieki z Rasijaj