Jakija nazvy vulic samyja papularnyja ŭ Biełarusi?

Dziaržaŭny kamitet pa majomaści vyvučyŭ rejestr vulic i daroh i paviedamiŭ, jakija nazvy vulic u Biełarusi najbolš raspaŭsiudžanyja. Asablivych niečakanaściaŭ u hetym niama. 

Pavodle čynoŭnikaŭ, praktyčna ŭ kožnym nasielenym punkcie možna sustreć vulicu z nazvaj Centralnaja, jana i jość samaja papularnaja.

Uvohule ž, zhodna z rejestram vulic i daroh adrasnaj sistemy Respubliki Biełaruś usie Centralnyja, Sadovyja, Lasnyja, Maładziožnyja, Palavyja, Školnyja, Łuhavyja, Savieckija, Novyja i Zialonyja składajuć tracinu ŭsich vulic (20,2 tysiač z 65,7 tysiač).

U honar Jakuba Kołasa ŭ Biełarusi nazvanyja 234 vulicy, u honar Janki Kupały — 245.

Pieraličvajucca ŭ publikacyi i niekalki kreatyŭnych padychodaŭ da nazyvańnia vulic u peŭnych nasielenych punktach. 

Tak, niezvyčajnyja mastackija nazvy padavali vulicam u kvartale žyłoj zabudovy Minska «Zialonaja Havań»: jany tam nazyvajucca Klanovaja Aleja, Biarozavy Haj, Siarebrany Les, Soniečnyja Pali.

U Kitajska-biełaruskim industryjalnym parku «Vialiki Kamień» utvoranyja «kamiennyja» vulicy: Ahatavaja, Amietystavaja, Hranatavaja, Žamčužnaja, Izumrudnaja, Sapfiravaja, Tapazavaja, Niefrytavaja.

Kamientary da artykuła