Aŭtarynak «Malinaŭka» ź pieršaha razu pradać nie zmahli
Konkurs pa prodažy znakamitaha rynku «Malinaŭka» pad Minskam, jaki pavinien byŭ adbycca 18 sakavika, admianili. Jak paviedamili Office Life u ZAT «Biełrealizacyja», dalejšaje rašeńnie pra los abjekta ciapier treba budzie pryniać ułaśnikam.
Fota: beltorgi.by
Na konkursnych tarhach pradavaŭsia nie sam rynak, a 100% dola ŭ statutnym fondzie TAA «Hruzavaja słužba — Uschod» (HSU), jakoje im vałodaje. Za košt prodažu płanavałasia pahasić zapazyčanaść hetaj arhanizacyi pierad bankami. Startavaja cana składała kala 29,5 miljona rubloŭ.
Arhanizatary konkursu paviedamili, što adna zajaŭka na ŭdzieł u im pastupiła. Ale da zakančeńnia patrabavanaha terminu patencyjny ŭdzielnik nie pieraličyŭ zadatak, jaki składaŭ kala 1,1 miljona rubloŭ. Chutčej za ŭsio, ciapier konkurs projdzie paŭtorna, mahčyma, z panižeńniem cany.
Ździełka čakajecca davoli składanaj, pakolki ź joj razam iduć jašče dźvie ździełki, źviazanyja z bankami — kredytorami HSU — Śbier Bankam i Biełahraprambankam.
Da 2023 hoda najbujniejšy aŭtarynak u krainie naležaŭ ZAT «Handlovy śviet — Kalco» biznesmiena Juryja Aviarjanava, jakoje było likvidavana pa rašeńni suda z-za daŭhoŭ.
Čytajcie taksama:
Znakamity minski aŭtarynak «Malinaŭka» ŭsio ž vystavili na tarhi