Błohier Rubakha Go nabyŭ kvateru hieraini svaich rolikaŭ Viktoryi
17-hadovy homielski błohier Anatol Rubakha Go narešcie pradaŭ vyjhrany im na adnym z konkursaŭ aŭtamabil i nabyŭ kvateru dla hieraini jahonych šmatlikich rolikaŭ biazdomnaj Viktoryi.
Skrynšot ź videa
Na staroncy adnaho z ahienctvaŭ nieruchomaści ŭ instahramie źjaviŭsia rolik, miarkujučy pa źmieście jakoha Viktoryi ŭsio ž taki kupili kvateru.
«Viktoryja, adna kvatera vam ci dźvie inšamu?» — pytajecca na videa pradstaŭnica ahienctva. «Adna mnie!» — upeŭniena adkazvaje Viktoryja. Paśla i jana sama, i Anatol dziakujuć kampanii za dapamohu.
Pačałasia hetaja historyja z taho, što rasijski błohier Michaił Litvin pravioŭ konkurs, dzie padpisčyki jaho telehram-kanała vybirali samaje kreatyŭnaje videa z enierhietyčnym napojem.
Pieramožcam staŭ Anatol rubakha_go, jaki zdymaŭ konkursny rolik ź biazdomnaj žančynaj Viktoryjaj.
Hledačy, vidavočna, pieražyvali za ich i zrabili ŭsio, kab aŭto dastaŭsia mienavita im.
Paśla pieramohi Anatol paviedamiŭ, što pradaść mašynu, kab kupić svajoj partniorcy pa zdymkach kvateru. Ciapier jon vykanaŭ heta abiacańnie.
Čytajcie taksama:
Jak žyvie biazdomnaja žančyna z Homiela, jakoj błohier abiacaŭ kupić kvateru
Rasijski tyktokier Azamat Ajtalijeŭ pryjechaŭ u Homiel, kab ździekavacca ź biazdomnaj žančyny