Maxar zakryŭ Ukrainie dostup da svaich spadarožnikavych zdymkaŭ
Amierykanskaja aerakaśmičnaja kampanija Maxar Technologies adklučyła Ukrainie dostup da svaich spadarožnikavych zdymkaŭ.
Maxar
Pavodle infarmacyi vydańnia «Militarnij», heta adbyłosia ŭ vyniku zabarony ŭradu ZŠA na pradastaŭleńnie Ukrainie raźviedvalnych danych. Adznačajecca, što hetaje rašeńnie zakranaje jak dziaržaŭnych, tak i pryvatnych karystalnikaŭ.
Kampanija Maxar Technologies raniej była asnoŭnym pastaŭščykom kamiercyjnych spadarožnikavych zdymkaŭ dla ŭkrainskich karystalnikaŭ, jakija vykarystoŭvalisia, u pryvatnaści, dla adsočvańnia pieramiaščeńnia rasijskich vojskaŭ.
Varta adznačyć, što raniej paviedamlałasia pra mahčymaść vykarystańnia Rasijaj spadarožnikavych zdymkaŭ amierykanskich kampanij dla naniasieńnia ŭdaraŭ pa Ukrainie.