Maxar закрыў Украіне доступ да сваіх спадарожнікавых здымкаў
Амерыканская аэракасмічная кампанія Maxar Technologies адключыла Украіне доступ да сваіх спадарожнікавых здымкаў.
Maxar
Паводле інфармацыі выдання «Мілітарний», гэта адбылося ў выніку забароны ўраду ЗША на прадастаўленне Украіне разведвальных даных. Адзначаецца, што гэтае рашэнне закранае як дзяржаўных, так і прыватных карыстальнікаў.
Кампанія Maxar Technologies раней была асноўным пастаўшчыком камерцыйных спадарожнікавых здымкаў для ўкраінскіх карыстальнікаў, якія выкарыстоўваліся, у прыватнасці, для адсочвання перамяшчэння расійскіх войскаў.
Варта адзначыць, што раней паведамлялася пра магчымасць выкарыстання Расіяй спадарожнікавых здымкаў амерыканскіх кампаній для нанясення ўдараў па Украіне.