Zatrymany aŭtar himna Usiebiełaruskaha narodnaha schodu
Krynica «Lusterka» paviedamiła vydańniu ab zatrymańni Anatola Čepikava — dyrektara Pałaca kultury MAZ, pradziusara, kampazitara i aŭtara «himna UNS».
Anatol Čepikaŭ. Fota: Anatol Čepikaŭ / Instagram
Pa infarmacyi vydańnia, dyrektara PK MAZ zatrymali kala miesiaca tamu. U PK žurnalistam adkazali, što Čepikaŭ «časova nie pracuje».
Mabilny numar mužčyny ciapier niedastupny. Miarkujučy pa vajbier-akaŭncie, źviazanamu z numaram, u apošni raz jon źjaŭlaŭsia anłajn 12 lutaha 2025 hoda. U VK jon nie zachodziŭ paśla 11 lutaha.
Čepikava padazrajuć pa karupcyjnym artykule, piša «Lusterka».
Akramia pracy na pasadzie dyrektara PK MAZ, Anatol Čepikaŭ źjaŭlajecca pradziusaram hurta «PROvokacija», jaki aktyŭna ŭdzielničaŭ u prapahandysckaj akcyi «Marafon adzinstva» pierad prezidenckimi vybarami ŭ 2025 hodzie.
Čepikaŭ napisaŭ himn akcyi BRSM «Biełaruś pamiataje» i himn piataha Usiebiełaruskaha narodnaha schodu «Biełaruś».
Raniej mužčyna zajmaŭ pasadu hiendyrektara radyjostancyi «Piłot FM» (jaje zasnavalnik — BRSM). U instahramie jon nazyvaje siabie «zasnavalnikam» stancyj «Piłot FM» i «Dušeŭnaje Radyjo».