Minpryrody sabrała naradu pa redkaziamielnych mietałach. Na nastupny dzień paśla zahadu Łukašenki kapać
Narada adbyłasia ŭ NVC pa hieałohii. Tam abmierkavali, dzie kankretna buduć kapać.
Ačyŝany tełur demanstrujecca na naftapieraapracoŭčym zavodzie Rio Tinto Kennecott u Mahnie (štat Juta, ZŠA). Fota: AP
U Navukova-vytvorčym centry pa hieałohii adbyłosia pasiadžeńnie pa pošuku redkaziamielnych elemientaŭ i redkaziamielnych mietałaŭ na terytoryi Biełarusi.
Mierapryjemstva adbyłosia na nastupny dzień paśla zahadu Łukašenki šukać redkaziamielnyja mietały. Ministr pryrodnych resursaŭ i achovy navakolnaha asiarodździa Siarhiej Maślak raspavioŭ, jak viedamstva źbirajecca vykonvać zahad, piša BiełTA.
«Vyznačanyja pierśpiektyvy vyjaŭleńnia hetych elemientaŭ i mietałaŭ my źviazvajem z parodami kryštaličnaha fundamienta ŭ miežach Žytkavickaha rajona Homielskaj vobłaści, a taksama Ščučynskaha i Hrodzienskaha rajonaŭ Hrodzienskaj vobłaści. Na hety momant śpiecyjalistami pravodzicca detalovaje vyvučeńnie najaŭnaha fondavaha hieałahičnaha materyjału dla nastupnaha vyznačeńnia składu i abjomu nieabchodnych rabot», — adznačyŭ Maślak.
Pošuk redkaziamielnych mietałaŭ uklučać u prajekt farmavanaj Minpryrody dziaržaŭnaj prahramy «Nietry» na 2026-2030 hady. Dakumient, a taksama kirunki rabot pa hieałahičnym vyvučeńni nietraŭ płanujecca razhledzieć pa vynikach pieršaha kvartała 2025 hoda na pasiadžeńni Rady pa raźvićci hieołaharaźviedvalnaj haliny i nietrakarystańni pry Minpryrody.
Čytajcie taksama:
Łukašenka zahadaŭ šukać u Biełarusi redkaziamielnyja mietały