BIEŁ Ł RUS

«Kali što, ja navat hatovy ŭziać u ruki zbroju». Prosty biełarus skaryŭ sercy palakaŭ

4.03.2025 / 19:6

Nashaniva.com

Hety rolik ź biełarusam u Polščy vyjšaŭ dva miesiacy tamu, ale jaho i dahetul abmiarkoŭvajuć u sacsietkach. Stały mužčyna ŭ šapcy z polskim hierbam spadabaŭsia palakam svaim staŭleńniem da ich krainy — nastolki, što sabraŭ sotni tysiač prahladaŭ.

Rolik, pra jaki idzie havorka, upieršyniu źjaviŭsia ŭ tyktok-akaŭncie vydańnia podatkimeritum.pl jašče 7 studzienia. Ciapier videa maje 828 tysiač prahladaŭ i amal 1300 kamientaroŭ.

Heta vuličnaja apytanka, u jakoj paŭdzielničaŭ biełarus. Mužčyna stałaha ŭzrostu ŭ šapcy z polskim hierbam, jakuju jon nabyŭ u Zakapane, zaŭvažna chvalujecca.

@podatkimeritum.pl Takie słowa miło słyszeć. Posłuchajcie sami. Życzymy mnóstwa miłości Panu ♥️ #Polska #Bialorus #PowrótDoDomu #Patriotyzm #podatkimeritum #pracazagranica #polacyzagranica ♬ dźwięk oryginalny - podatkimeritum.pl

Mužčyna raskazvaje, što źjaŭlajecca ŭciekačom ź Biełarusi. U jaho zapytalisia, dzie lepšyja ŭmovy pracy — u Biełarusi ci ŭ Polščy:

«Byvaje pa-roznamu. Tam, dzie ja ciapier pracuju, našmat lepš, [čym u Biełarusi,] bo heta pryvatnaje pradpryjemstva. U Minsku ja pracavaŭ na dziaržaŭnym pradpryjemstvie, i tam było ciažka».

Biełarus padkreśliŭ, što polskaha zarobku jamu chapaje, i tut nie pracuje pryncyp «zaŭždy mała» — svajoj pracaj mužčyna zadavoleny.

Potym u jaho spytali, čaho jon žadaje dla siabie, ale mužčyna pakazaŭ, što ehaizm jamu nie ŭłaścivy:

«Ja chacieŭ by dla palakaŭ niezaležnaści, trymacca. Kali što — ja navat hatovy ŭziać u ruki niejkuju zbroju i zmahacca. […] Ja tolki što byŭ u kaściole, prasiŭ tam u Boha lubovi da mianie».

Vietlivy i pryjazny biełarus skaryŭ sercy palakaŭ. Voś tolki niekatoryja z socień kamientaroŭ:

«Biełarusy — heta samy družalubny i blizki nam narod».

«Biełarusy zaŭždy byli cudoŭnymi ludźmi».

«Brava! Biełarusy — heta našy braty».

«Fajny miły starejšy čałaviek, jaki šanuje naš kraj».

Čytajcie taksama:

Starejšaja dačka tenisista Maksima Mirnaha paŭdzielničała ŭ pakazie Armani ŭ Miłanie

Navukoŭcy adnavili źniešnaść Mocarta pa jahonym čerapie

Minskaja doktarka zaklikała pryščaplacca ad kavidu

Kamientary da artykuła