Litoviec pierasiakaŭ Cichi akijan na viosielnaj łodcy, kab stać pieršym u śviecie takim čałaviekam
I la bierahoŭ Aŭstralii trapiŭ u štorm. Jaho vyratavali vajskoŭcy VMS Aŭstralii.
Fota: Joint operation command
Aŭrymas Mockus płanavaŭ u adzinočku pierapłyć Cichi akijan na svajoj łodcy Kuršis, startavaŭšy z San-Dyjeha (ZŠA) i finišavaŭšy ŭ Bryśbienie (Aŭstralija), piša Delfi.lt.
Kali b hetaje padarožža zaviaršyłasia paśpiachova, jon staŭ by pieršym čałaviekam u śviecie, jaki pieraadoleŭ Cichi akijan u adzinočku na łodcy biez dapamohi. Na šlach mierkavałasia zatracić 6—8 miesiacaŭ.
Kamanda Mockusa paviedamiła, što 2 sakavika a 23-j hadzinie (pa litoŭskim časie) stała viadoma, što padarožnik byŭ znojdzieny i ŭźniaty na bort vajennaha karabla. Na sudnie jaho ahledzieli miedyki, jakija paćvierdzili, što surjoznych traŭmaŭ jon nie atrymaŭ.
Što zdaryłasia ź jaho łodkaj, pakul nieviadoma. U najbližejšy čas Mockusa dastaviać u Bryśbien.