Prarasijski palitołah aburajecca majontkam «Suła»: Uvieś piersanał havoryć vyklučna pa-biełarusku i na ruskuju nie pierachodzić
Prarasijski palitołah i zachodnierusist Usievaład Šymaŭ naviedaŭsia ŭ park historyi «Suła» razam z maskoŭskimi siabrami.
Usievaład Šymaŭ i «Suła». Fota: błoh Šymava
«U pryncypie, ubačyŭ ja tam toje, što i čakaŭ — taki lićvinski łubok z zakosam pad Jeŭropu», — adznačaje jon.
Ale pry hetym nie moža nie pachvalić majontak: vialikaja terytoryja, šmat naviedvalnikaŭ, choć i ceńnik vysoki.
«Kali abstrahavacca ad ideałohii, u pryncypie, tut sapraŭdy možna niadrenna pravieści čas, jak dzieciam, tak i darosłym, asabliva letam».
«Sam park zabudavany łubočnymi novabudoŭlami pad siaredniaviečnuju Litvu. Usiaredzinie raznastajnyja tematyčnyja ekspazicyi. Uvieś piersanał maje znosiny vyklučna pa-biełarusku i na ruskuju nie pierachodzić, navat kali źviartaješsia da ich pa-rusku», — niezadavoleny Šymaŭ.
Nie spadabałasia jamu i toje, što pieršadrukar Ivan Fiodaraŭ pieratvaryŭsia ŭ Fiedaroviča, a piersanał «apranuty ŭ šlachieckija kaściumy».
I navat miascovaha kata Šymaŭ nazvaŭ «lićvinskim».
Usievaład Šymaŭ vystupaje za intehracyju z Rasijaj i nastrojeny suprać Jeŭropy i ZŠA. Jon padzialaje idei zachodnierusizmu (zachodnierusisty ličać Biełaruś nie samastojnaj krainaj, a rehijanalnaj častkaj Rasii, a samich biełarusaŭ — adhalinavańniem ruskaha etnasu). Raniej ličyłasia, što jon vioŭ kanał «Zapadnorusskaja Atłantida», jaki prykryli.