Fond Tałaja znoŭ pieradaŭ humanitarnuju dapamohu na akupavanyja terytoryi Ukrainy

Hrodnienskaja «Farmacyja» praz fond Tałaja pieradała humanitarnuju dapamohu ŭ Kurskuju vobłaść Rasii i na Danbas. Va Ukrainie suprać praŭładnaha biełaruskaha paralimpijca Alaksieja Tałaja raspačata kryminalnaja sprava ab vyvazie dziaciej z akupavanych terytoryj.

Hrodnienskaja «Farmacyja» sabrała leki dla pieradačy na Danbas i ŭ Kurskuju vobłaść. Fota: «Hrodzienskaja praŭda»

«Farmacyja» adznačyła, što źbirała leki dla paciarpiełych ad vajny ŭ Kurskaj vobłaści i na Danbasie. Suma čarhovaj pieradačy — 5 tysiač rubloŭ.

Arhanizacyja padrychtavała leki praz fond Alaksieja Tałaja. Hety fond pracuje pry padtrymcy Łukašenki i zajmajecca prajektam «Adpačynak dziaciej Danbasa ŭ Biełarusi».

Va Ukrainie dziejnaść Alaksieja Tałaja razhladajecca ŭ miežach kryminalnaj spravy ab parušeńniach zvyčajaŭ viadzieńnia vajny (art. 438 KK) za vyvaz dziaciej z akupavanych terytoryj. Zhodna z ukrainskim zakanadaŭstvam, jamu pahadžaje ad 8 ci 15 hod źniavoleńnia ci pažyćciovy termin.

U mai 2024 hoda Tałaj byŭ na ŭručeńni Pucinym uznaharody «vydatnym hramadzianam Rasii». Tam biełaruski praŭładny aktyvist pradstaŭlaŭ svoj fond. U pramovie na mierapryjemstvie Tałaj skazaŭ:

«My hanarymsia, što vy z našym lidaram Alaksandram Ryhoravičam Łukašenkam tak pa-bratersku trymajecie stroj! I treci vołat, Navarosija, vierniecca adnojčy da nas! My — ruskija! Z nami Boh!».

Kamientary da artykuła