Markaŭ zajaviŭ, što aŭdytoryja dziaržaŭnych ŚMI ŭ internecie vyrasła kałasalna
«Sukupnaja aŭdytoryja — 5,8 młn karystalnikaŭ», — skazaŭ Marat Markaŭ.
Marat Markaŭ. Fota: BiełTA
Aŭdytoryja dziaržaŭnych ŚMI ŭ internecie vyrasła kałasalna, paviedamiŭ žurnalistam ministr infarmacyi Marat Markaŭ, piša BiełTA.
«Treba adznačyć vašu ž pracu, pracu ŭsioj miedyjaśfiery dziaržaŭnaj u internet-asiarodździ. Rost kolkaści karystalnikaŭ tolki ŭ respublikanskich srodkaŭ masavaj infarmacyi na YouTube — da 7,5 młn karystalnikaŭ, i heta rost na 44% za hod. Heta kałasalnaja ličba. U rehijanalnych ŚMI rost jašče vyšejšy-na 53%. Sukupnaja aŭdytoryja — 5,8 młn karystalnikaŭ», — skazaŭ Marat Markaŭ.
Pryrost takimi tempami, pavodle słoŭ ministra, aznačaje, što «ŚMI vykonvajuć svaju zadaču pa pryciahnieńni ŭ pieršuju čarhu moładzi da dziaržaŭnych srodkaŭ masavaj infarmacyi».
Na 1 studzienia 2025 hoda ŭ Biełarusi pracuje 1139 srodkaŭ masavaj infarmacyi, ź ich 71 — sietkavaje. I amal niama niezaležnych.