Aryštavanuju armianskuju błohierku vyvieźli ź Biełarusi biznes-džetam Viktara Łukašenki
Uradavy biźnies-džet z bartavym numaram EW-301PJ vylecieŭ ź Minska ŭ Jerevan siońnia ŭ 04:01PM+03. Na borcie znachodziłasia zatrymanaja ŭ Biełarusi armianskaja błohierka Beła (Roza Babachanian), piša Reform.news.
Roza Babachanian
Hety biznes-džet vykarystoŭvajuć biełaruskija vysokapastaŭlenyja čynoŭniki, a taksama syny Łukašenki Viktar i Dźmitryj.
Pra zatrymańnie Babachanian u Biełarusi stała viadoma 14 lutaha. Błohier Alaksandr Łapšyn paviedamlaŭ, što jana aryštavanaja na 15 sutak i abvinavačvajecca pavodle piaci kryminalnych artykułaŭ — «Raspalvańnie varožaści», «Prapahanda vajny», «Paklop», «Abraza pradstaŭnika ŭłady», «Pahroza zabojstvam, pryčynieńniem ciažkich cialesnych paškodžańniaŭ».
U adnym z apošnich efiraŭ dziaŭčyna kazała, što azierbajdžancy pahražali joj aryštam u Biełarusi i ekstradycyjaj, zajaŭlaŭ Łapšyn.
Raniej stała viadoma, što dla raźviazańnia situacyi z zatrymanaj svaje suviazi padklučyŭ armianski aliharch i kiraŭnik partyi «Kvitniejučaja Armienija» Hahik Carukian. Jon uznačalvaje NAK Armienii i maje ciesnyja suviazi ź Viktaram Łukašenkam.
Čytajcie taksama:
Zatrymanuju ŭ Biełarusi armianskuju błohierku sudzili za «raspaŭsiud ekstremizmu»
U Biełarusi zatrymali armianskuju błohierku