Viadomyja imiony minimum 100 tysiač rasijan, jakija zahinuli na vajnie z Ukrainaj

Prajekt «Horiuško», jaki šukaje ŭ adkrytych krynicach infarmacyju pra zabitych rasijskich vajskoŭcaŭ, paviedamiŭ, što kolkaść paćvierdžanych zahinułych pierajšła za čarhovuju simvaličnuju rysu — 100 tysiač čałaviek.

Rekłama słužby pa kantrakcie na prypynku ŭ Ćviery. Fota: sacsietki

Rabotniki inicyjatyvy manitorać sacyjalnyja sietki i znachodziać infarmacyju pra cyrymonii raźvitańnia ci prosta dopisy ad svajakoŭ. To-bok kožny sa 100 tysiač zahinułych maje kankretnaje imia i apošniaje miesca pražyvańnia.

Apošnim časam štomiesiac znachodzicca infarmacyja pra 5000-6000 zahinułych rasijan.

90 tysiač zahinułych było dasiahnuta 31 śniežnia 2024 hoda, a 95 tysiač — 31 studzienia 2025 hoda.

Jakija ludzi siarod zahinułych? Samyja roznyja.

№99997 — uradženiec Uźbiekistana Juryj Jahoraŭ.

№99998 — Ilmir Kadyraŭ z tatarskaj vioski.

№99999 — šmatdzietny baćka z Vałhahrada Raman Dziaviataŭ.

100-tysiačnym u bazie «Horiuška» staŭ 33-hadovy Alaksiej Burkoŭ.

Kamientary da artykuła