Polšča ŭpieršyniu rezka adreahavała na infarmacyju z ZŠA. Havorka pra «Starlinki» dla Ukrainy
Vice-premjer i ministr ličbavizacyi Polščy Kšyštaf Haŭkoŭski rezka adreahavaŭ na paviedamleńnie ahienctva Reuters pra toje, što ZŠA nibyta pahražajuć Ukrainie adabrańniem Starlink. Raniej Polšča nabyła hetyja pryłady i biaspłatna pieradała ich ukraincam, praciahvajučy apłačvać za ich abaniemient.
Kšyštaf Haŭkoŭski. Fota: Foto Olimpik/NurPhoto via Getty Images
«Polšča nabyła Starlink i pieradała ich Ukrainie. My płacim i budziem praciahvać płacić abaniemient za spadarožnikavy internet dla Ukrainy», — zajaviŭ Haŭkoŭski ŭ sacsietcy X.
«Nie ŭjaŭlaju, što niechta moža vyrašyć skasavać biznes-damovu za kamiercyjnuju pasłuhu, bokam jakoj źjaŭlajecca Polšča», — adznačyŭ jon pry hetym.
Amierykanskaja administracyja na čale z prezidentam Donaldam Trampam patrabuje ad Ukrainy padpisać pahadnieńnie ab padziele prybytkaŭ ad ekspłuatacyi pryrodnych resursaŭ, uklučajučy redkaziamielnyja mietały.
Pavodle infarmacyi Reuters, cisk na ŭkrainskija ŭłady ŭklučaje pahrozu adklučeńnia krytyčna važnaj kamunikacyjnaj sietki Starlink, jakoj karystajecca ŭkrainskaja armija.
Čytajcie taksama:
ZŠA pryhrazili pierakryć Ukrainie dostup da Starlink
Ci moža Mask adklučyć ukraincam Starlink?
Jeŭrasajuz biarecca stvarać alternatyvu Starlink
Ukrainskija terminały Starlink «raptoŭna vyjšli z ładu», kali Rasija znoŭ uvarvałasia ŭ Charkaŭščynu