Dvuch biełarusaŭ i litoŭca zatrymali ŭ Italii sa skradzienym Ferrari
Pryčym raskošnuju mašynu vykradali dvojčy.
Ferrari F8 Tributo. Ilustracyjnaje fota. Wikimedia Commons
U Italii zatrymali dvuch biełarusaŭ i litoŭca sa skradzienym Ferrari F8 Tributo, paviedamlaje «Biełaruś i śviet» sa spasyłkaj na miascovuju palicyju.
Hety raskošny spartovy kupe, jaki naležaŭ šviejcarcu, byŭ vykradzieny ŭ Šviejcaryi 28 žniŭnia 2023 hoda. Słužby paradku vyjavili jaho ŭ śniežni 2024 hoda na parkoŭcy kazino ŭ Manaka i zabłakavali koły.
Adnak u noč na 13 lutaha 2025 hoda try nieviadomyja asoby z zakrytymi tvarami ŭvarvalisia na parkoŭku, złamali błakiratar i znoŭ skrali aŭtamabil.
Pravaachoŭniki, vykarystoŭvajučy sistemu adsočvańnia GPS, užo ranicaj 13 lutaha 2025 hoda ŭstalavali miescaznachodžańnie Ferrari — aeraport Malpiensa ŭ Italii za 40 kiłamietraŭ ad Miłana. I sapraŭdy, spartovy kupe z prymacavanymi da jaho falšyvymi aŭstryjskimi numarami byŭ znojdzieny na padziemnaj parkoŭcy terminała 1.
Dalejšaje śledstva vyjaviła, što a 04:40 taho dnia na parkoŭku ŭ vykradzienym Ferrari i jašče adnym aŭtamabili z francuzskimi numarami pryjechali try asoby.
Prykładna a 18:00 mužčyny viarnulisia i sieli ŭ transpartnyja srodki, kab adjechać, ale byli zatrymanyja apieratyŭnikami.
Zatrymanyja akazalisia biełarusy va ŭzroście 26 i 37 hadoŭ, a taksama litoviec 37 hadoŭ.
Što tyčycca Ferrari, była raspačata pracedura kanfiskacyi. Taksama padčas ahladu aŭtamabila z francuzskimi numarami było kanfiskavana mnostva instrumientaŭ i pradmietaŭ, prydatnych dla ŭzłomu, u tym liku pracujučaja ad akumulataraŭ «bałharka».
Što tyčycca zamiežnikaŭ, było raspačata śledstva pa spravie, abvinavačvajuć ich u nabyćci i zachoŭvańni zdabytaha złačynnym šlacham aŭtamabilem. Adnak ich nie pakinuli pad vartaj.