Lidary AdH: Vajna va Ukrainie nie tyčycca Hiermanii
Vystupleńni pradstaŭnikoŭ AdH učora supravadžalisia hučnymi apładysmientami zały.
Lidarka partyi Alisa Vajdel i Alaksandr Haŭłand na pasiadžeńni ŭ parłamiencie. Fota: Michael Sohn
Za niekalki dzion da vybaraŭ u Bundestah pravapapulisckaja partyja «Alternatyva dla Hiermanii» zaklikała Bierlin trymacca ŭbaku ad vajny va Ukrainie, paviedamlaje Deutsche Welle.
«Heta nie naša vajna», — zajaviŭ uviečary 19 lutaha ŭ Nojienchahienie suzasnavalnik i hanarovy staršynia AdH Alaksandr Haŭłand. Tuju ž frazu paŭtaryŭ i sustaršynia partyi Tyna Chrupała.
Vystupleńni pradstaŭnikoŭ AdH supravadžalisia hučnymi apładysmientami zały, dzie prysutničali kala 400 słuchačoŭ. U toj ža čas na vulicy adbyvałasia akcyja pratestu suprać ultrapravych. Pratestoŭcy skandavali: «Nacysty, von!». Biaśpieku harantavała palicyja.
Padčas svajho vystupleńnia Haŭłand zajaviŭ, što vajna Rasii va Ukrainie — heta kanflikt pamiž dźviuma krainami, a nie pamiž Rasijaj i Hiermanijaj. Pavodle jaho słoŭ, ukrainski lidar Uładzimir Zialenski «chacieŭ by zrabić nas udzielnikami vajny, śćviardžajučy, što Ukraina abaraniaje taksama i našu svabodu».
Chrupała, u svaju čarhu, padkreśliŭ, što Hiermanija nie pavinna bolš tracić hrošy na čužyja vojny.
Čytajcie taksama:
Chto takaja Alisa Vajdel — kandydatka na pasadu kanclera Hiermanii ad ultrapravaj «Alternatyvy»
Iłan Mask vystupiŭ na pieradvybarnym mierapryjemstvie «Alternatyvy dla Hiermanii»