Pradstaŭniki administracyi Trampa vypraŭlajucca ŭ Saudaŭskuju Araviju dla pieramoŭ z rasijanami
Daradca prezidenta ZŠA pa nacyjanalnaj biaśpiecy Majk Uołtc, dziaržsakratar Marka Rubia i śpiecpasłańnik pa Blizkim Uschodzie Styŭ Uitkaf u najbližejšyja dni adpraŭlajucca ŭ Saudaŭskuju Araviju, kab pačać mirnyja pieramovy z pradstaŭnikami Rasii, paviedamlaje Politico sa spasyłkaj na kanhresmiena-respublikanca Majkła Makkoła i dźviuch ananimnych krynic va ŭradzie ZŠA.
Fota: Alex Brandon / AP
Pa słovach surazmoŭcaŭ Politico, tudy nie pajedzie śpiecpradstaŭnik Trampa pa ŭrehulavańni kanfliktu va Ukrainie Kit Kiełah, pradstaŭnikoŭ jeŭrapiejskich krain taksama nie zaprašajuć.
Raniej Bloomberg sa spasyłkaj na svaje krynicy paviedamiŭ, što pieramovy ŭ Saudaŭskaj Arabii pačnucca na nastupnym tydni, adnak heta nie kančatkovy płan i ŭsio moža źmianicca ŭ luby momant.
UPD. Paźniej stała viadoma, što ŭkrainskaja delehacyja ŭ Saudaŭskuju Araviju nie pajedzie.
Čytajcie taksama:
Śpiecpradstaŭnik Trampa Kit Kiełah nie bačyć Jeŭropy za stałom mirnych pieramoŭ
«Płan, jak spynić Pucina i skončyć vajnu». Zialenski sustreŭsia ź vice-prezidentam ZŠA ŭ Miunchienie