Robiert F. Kienedzi-małodšy zaćvierdžany na pasadzie ministra achovy zdaroŭja ZŠA
Robiert F. Kienedzi-małodšy, jaki padčas pieradvybarčaj baraćby ŭ ZŠA admoviŭsia ad vyłučeńnia ŭłasnaj kandydatury i padtrymaŭ Donalda Trampa, u čaćvier byŭ zaćvierdžany Sienatam na pasadu ministra achovy zdaroŭja i sacyjalnych słužbaŭ.
Fota: Jose Luis Magana / AP
Za jaho kandydaturu prahałasavali 52 zakanadaŭcy, suprać vykazalisia 48. Mitč Makkoneł (były lidar respublikancaŭ u vierchniaj pałacie Kanhresa) staŭ adzinym respublikancam, jaki vystupiŭ suprać zaćviardžeńnia Kienedzi-małodšaha i dałučyŭsia da 47 demakrataŭ, što hałasavali suprać jaho.
Kenedzi, jaki raniej byŭ viadomy svajoj krytykaj vakcynacyi, paabiacaŭ abaraniać isnujučyja prahramy vakcynacyi, adznačaje «Hołas Amieryki».
71-hadovy Kienedzi — juryst, śpiecyjalist u śfiery ekałahičnych prablem. Ciapier jon uznačalić viedamstva, u kampietencyju jakoha ŭvachodziać prahramy Medicare i Medicaid, što zabiaśpiečvajuć miedycynskaje strachavańnie dla bolš čym 140 miljonaŭ amierykancaŭ. Ministerstvu, kiraŭnikom jakoha stanie Kenedzi, taksama padparadkoŭvajucca Nacyjanalnyja instytuty zdaroŭja (NIH), adznačajecca ŭ paviedamleńni.