U Polščy pakazali novyja ŭmacavańni na miažy ź Biełaruśsiu FOTY

Ministerstva abarony Polščy paviedamiła pra zaviaršeńnie rabot na pieršym učastku ŭmacavańniaŭ, jakija budujucca na miažy ź Biełaruśsiu i Rasijaj. Ułady Polščy ŭzvodziać ich u ramkach prajekta «Uschodni ščyt».

Fota: Ministerstwo Obrony Narodowej

Viedamstva apublikavała fatahrafii, jak vyhladajuć umacavańni. Dakładnaje miesca ich raźmiaščeńnia nie raskryvajecca, ale adznačajecca, što raboty pravodzilisia «pablizu stratehična važnych pierachodaŭ».

Fota: Ministerstwo Obrony Narodowej

Na zdymkach vidać, što ŭmacavańni ŭklučajuć fizičnyja barjery, takija jak bietonnyja supraćtankavyja vožyki.

U Minabarony Polščy zajavili pra «paskareńnie rabot pa ŭzmacnieńni biaśpieki dziaržhranic». Pakul dadatkovyja elemienty ŭmacavańniaŭ ustanoŭleny na nievialikim učastku praciahłaściu 2,3 km. Ale ŭžo viadziecca padrychtoŭka da budaŭnictva druhoj čarhi.

Fota: Ministerstwo Obrony Narodowej

Raboty robiacca ŭ supracoŭnictvie z krainami Bałtyi. Padtrymlivajuć budaŭnicva taksama sajuźniki ź Finlandyi, Vialikabrytanii i ZŠA. Jak adznačyli ŭ Varšavie, novaja nacyjanalnaja prahrama abarony krainy źjaŭlajecca «adkazam na sučasnyja pahrozy», a jaje hałoŭnaja meta — «strymlivańnie patencyjnaha ahresara».

Kamientary da artykuła