Vyzvaleny ŭ Biełarusi amierykaniec — nie advakat Juraś Ziankovič
Hałoŭny daradca Śviatłany Cichanoŭskaj Franak Viačorka, kamientujučy zdahadki, što Juraś Ziankovič i jość «hramadzianin ZŠA, imia jakoha pakul nie raskryvajecca», paviedamiŭ vydańniu «Pozirk», što hety amierykaniec — nie Ziankovič.
Palitviazień Juraś Ziankovič. Skrynšot ź videa ANT
Raniej 12 lutaha stała viadoma pra vyzvaleńnie dvuch palitviaźniaŭ: supracoŭnika Biełaruskaj słužby «Radyjo Svaboda» Andreja Kuźniečyka i šmatdzietnaj maci Aleny Maŭšuk.
Taksama vyzvaleny jašče adzin čałaviek, ale jahonaje imia nie nazyvałasia. Viadoma tolki, što jon maje hramadzianstva ZŠA.
Zdahadki pra Jurasia Ziankoviča ŭźnikli z pryčyny jahonaha źjaŭleńnia sioleta ŭ studzieni ŭ cyvilnym adzieńni na adnym ź biełaruskich telekanałaŭ, prytym nie ŭ turmie, a ŭ minskim hateli «Jeŭropa». Fihurant «spravy zmoŭščykaŭ», asudžany ahułam na 13,5 hoda pazbaŭleńnia voli, byŭ vykarystany dla prapahandysckaha filma.
Pry hetym, aprača Ziankoviča, nieviadoma nivodnaha palitviaźnia, jaki mieŭ by amierykanskaje hramadzianstva. Praŭda, pra źniavoleńnie hramadzianki ZŠA biełaruskaha pachodžańnia Anastasii Niufier taksama nichto nie viedaŭ da taho času, pakul 26 studzienia dziaržsakratar ZŠA Marka Rubia niečakana nie paviedamiŭ pra jaje vyzvaleńnie.
Čytajcie taksama:
Daradca Cichanoŭskaj raskazaŭ, jak jon razam ź Viačorkam sustrakaŭ vyzvalenuju Alenu Maŭšuk