U Homieli šukajuć, chto vykinuŭ na pole cełuju haru sapsavanych mandarynaŭ
Milicyja šukaje ŭładalnika sotniaŭ kiłahramaŭ sapsavanych mandarynaŭ, vyjaŭlenych na poli pad Homielem, paviedamlaje telehram-kanał «Homielŝina oficialno».
Niesankcyjanavanaje raźmiaščeńnie adkidaŭ vyjavili ŭ pasiołku Čonki pad Homielem.
«Chtości vykinuŭ na pole mnostva sapsavanych mandarynaŭ», — raskazali ŭ abłasnym kamitecie pryrodnych resursaŭ i achovy navakolnaha asiarodździa.
U Biełarusi za stvareńnie niesankcyjanavanaha śmietnika pahražaje administracyjnaja adkaznaść i štrafy. Uładalniku paškodžanych mandarynaŭ, kali jaho znojduć, pryjdziecca zapłacić da 30 bazavych vieličyń (da 1260 biełaruskich rubloŭ), kali heta budzie fizičnaja asoba, i da 100 bazavych vieličyń (da 4200 rubloŭ) — kali indyvidualny pradprymalnik.
Akramia taho, budzie raźličanaja suma škody, naniesienaj z-za zaśmiečvańnia adkidami navakolnaha asiarodździa.
«Na hety momant vyśviatlajecca ŭładalnik cytrusavych: vyznačajuć ułaśnika aŭtamabila, na jakim pryvieźli mandaryny», — paviedamili ŭ pres-słužbie Homielskaha abłvykankama.
Čytajcie taksama:
Hłabalnaje paciapleńnie spryjaje rostu papulacyi pacukoŭ u haradach
Na Stolinščynie palaŭničy sprabavaŭ pieratvaryć dźviuch kazul u adnu, ale jaho raskryli
Hetuju sadavinu ludzi masava spažyvajuć zimoj. A jana litaralna našpihavanaja chimijaj