Tramp zahadaŭ spynić čakanku adnacentavych maniet
Prezident ZŠA Donald Tramp daručyŭ ministerstvu finansaŭ spynić vypusk maniet vartaściu adzin cent. Pra heta Tramp napisaŭ u sacsietcy Truth Social.
Fota: vecteezy.com
«Zanadta doŭha Złučanyja Štaty čakanili pieni, jakija ŭ litaralnym sensie kaštavali nam bolš za dva centy kožnaja. Heta tak marnatraŭna!» — napisaŭ Tramp.
Pavodle infarmacyi Manietnaha dvara ZŠA, u 2024 hodzie vyrab i raspaŭsiudžvańnie adnaho centa kaštavała kala 3,7 centa, piša «Mieduza». Za apošnija niekalki hadoŭ čakanka pieni padaražeła ŭ niekalki razoŭ — u 2016-m na vytvorčaść adnacentavych maniet tracili kala 1,5 centa. Za hetyja hady košt miedzi, jakaja vykarystoŭvajecca pry vytvorčaści maniet, vyras bolš jak u dva razy.
Paśla spynieńnia čakanki adnacentavyja maniety zastanucca ŭ abarocie.
Admova ad centa budzie mieć svaju canu, bo tranzakcyi buduć akruhlacca da piaci centaŭ.