Paźniak zaklikaje Zachad dziela vyzvaleńnia palitviaźniaŭ pačać pieramovy z «hetym varvarskim režymam»
Paźniak čarhovy raz raskrytykavaŭ stratehiju sankcyjnaha cisku dla vyzvaleńnia ludziej, jakaja «nie dziejničaje».
Skrynšot videa
Pačać pieramovy z aficyjnym Minskam ab vyzvaleńni biełaruskich palityčnych źniavolenych zaklikaŭ krainy Zachadu kiraŭnik ruchu «Volnaja Biełaruś» Zianon Paźniak u videazvarocie 9 lutaha, piša «Pozirk».
Palityk nazvaŭ ich «faktyčna zakładnikami».
Paźniak čarhovy raz raskrytykavaŭ stratehiju sankcyjnaha cisku dla vyzvaleńnia ludziej, jakaja «nie dziejničaje».
«Druhi padychod — jon isnuje. Heta padychod, jaki vykarystoŭvajuć z terarystami», — skazaŭ jon.
Pryraŭnaŭšy pradstaŭnikoŭ kiroŭnaha režymu da takich, Paźniak vykazaŭsia za «šlach pieramoŭ» z prapanovaj «peŭnych abmiennych elemientaŭ».
«U dadzienaj situacyi možna pajści na toje, kab źniać tyja sankcyi, jakija im škodnyja. I treba na heta iści», — ličyć lidar «Volnaj Biełarusi».
«Ničoha niama važniejšaha za žyćcio čałavieka. I voś my staim na humanitarnaj pazicyi — vyratavać ludziej. ⟨…⟩ Naš zaklik da zachodnich palitykaŭ: idzicie na pieramovy z hetym varvarskim režymam», — zajaviŭ jon.
Na dumku palityka, vyzvalajučy niekatorych palitviaźniaŭ u ramkach pracedury pamiłavańnia, ułady «dajuć znaki» ab hatoŭnaści da pieramovaŭ.
Padčas ich, ličyć Paźniak, pavinna «pastavicca pytańnie pra spynieńnie represij».
Čytajcie taksama:
Łukašenka pryznaŭsia, što vinšavaŭ Zianona Paźniaka ź jubilejem