Pavialičać zarobki miedykam ź siaredniaj śpiecyjalnaj adukacyjaj
Saviet ministraŭ pryniaŭ rašeńnie ab pavieličeńni pamieraŭ nadbavak da zarobkaŭ miedrabotnikam ź siaredniaj śpiecyjalnaj miedycynskaj adukacyjaj, paviedamiła ŭradavaja pres-słužba.
Fota ilustracyjnaje
U Saviecie ministraŭ razhledzieli pastanovu Ministerstva achovy zdaroŭja №9 ad 24 studzienia, u jakoj praduhledžanaje pavyšeńnie apłaty pracy daktaroŭ-śpiecyjalistaŭ, ale zachavanyja na raniejšym uzroŭni zarobki siaredniaha miedpiersanału. Va ŭradzie paličyli, što ŭkład apošnich u śfieru achovy zdaroŭja nie całkam uličany.
Akramia taho, było pryznana, što pastanova Minzdaroŭja ŭ ciapierašnim vyhladzie nie adpaviadaje daručeńniu Łukašenki ab zbałansavanym roście zarobku ŭsich katehoryj rabotnikaŭ.
U vyniku Ministerstvu achovy zdaroŭja sumiesna ź Minpracy i Minfinam daručyli ŭ trochdzionny termin unieści adpaviednyja źmieny ŭ hetuju pastanovu.
Čytajcie taksama:
Kavid zabraŭ u Biełarusi 90 tysiač žyćciaŭ, a nie 7 tysiač, jak śćviardžali ŭłady
Biełaruska pastaviła impłant u ruku dla kantracepcyi. Što heta takoje?
Minzdaroŭja dazvoliła dzieciam chvareć 5 dzion biez daviedki