Były kancler Hiermanii prachodzić kliničnaje lačeńnie ad «emacyjanalnaha vyharańnia»

Niamieckamu palityku dyjahnazavali «emacyjanalnaje vyharańnie» tady, kali jamu treba było śviedčyć u parłamienckaj śledčaj kamisii, piša Bild.

Hierchard Šroder. Fota: Burhan Ozbilici / AP

80-hadovy Hierchard Šroder u studzieni «pa stanie zdaroŭja» admoviŭsia ad dačy pakazańniaŭ u parłamienckaj śledčaj kamisii, jakaja rasśleduje budaŭnictva sprečnaha hazapravoda «Paŭnočny patok — 2».

Pa infarmacyi niamieckaha ahienctva DPA, u zajavie dla kamisii ŭrač apisaŭ stan byłoha kanclera jak «typovy sindrom emacyjanalnaha vyharańnia z prykmietami hłybokaj stomlenaści i vyjaŭlenym deficytam enierhii». U Šrodera zaŭvažyli prablemy z kancentracyjaj i parušeńni snu.

Zhodna vysnovy lekara, palityk byŭ nie ŭ stanie vytrymlivać fizičnyja i psichałahičnyja nahruzki, źviazanyja z dopytam u śledčaj kamisii. 

Jak piša Bild, paśla rasijskaha ŭvarvańnia va Ukrainu partyja Šrodera dystancyjanavałasia ad jaho. Kiraŭnictva partyi abvinavačvaje palityka ŭ ščylnych suviaziach z Pucinym.

Kamientary da artykuła