U Žłobinskim rajonie prahrymieŭ vybuch. Zahinuli tata i dvoje maleńkich dziaciej
Maci i šaścihadovy syn u ciažkim stanie dastaŭleny ŭ balnicu.
Uviečary ŭ niadzielu ŭ vioscy Łuhavaja Virnia Žłobinskaha rajona ŭ dvary dačy adbyŭsia vybuch. Pavodle papiaredniaj infarmacyi, vybuchnuŭ kisłarodny bałon.
U vyniku zdareńnia zahinuli 35-hadovy tata i dvoje maleńkich dziaciej — adnaho i troch hadoŭ. Maci i šaścihadovy syn u ciažkim stanie dastaŭleny ŭ balnicu, paviedamlaje SK.
U siamji vychoŭvalisia čaćviora dziaciej. Jašče adno dzicia ŭ momant vybuchu znachodziłasia ŭ Žłobinie.