Pasolstva Italii zaŭvažyła, što za jahonaj śpinaj zajmajucca machlarstvami ź vizami
Na fejsbuk-staroncy italjanskaha pasolstva ŭ Minsku źjaviłasia paviedamleńnie, ź jakoha vynikaje, što niekatoryja asoby złoŭžyvali davieram dypłamataŭ i praces vydačy italjanskich viz skarystoŭvali va ŭłasnych intaresach.
Pasolstva Italii ŭ Minsku. Fota: yandex.by
Pavodle paviedamleńnia, pasolstvu Italii stała viadoma, što niekatoryja asoby, jakija dobra znajomyja dypłamatam, zajmajucca ašukanstvam i ciškom pradajuć zapisy na atrymańnie viz. Toje, što hetym asobam raniej daviarali, stvaraje najbolšuju prykraść.
U suviazi z hetym italjanskija dypłamaty papiaredžvajuć, što padobnyja vypadki stanoviacca viadomymi kampietentnym orhanam Italii, a prodaž zapisu na vizy źjaŭlajecca złačynstvam, jakoje ciahnie za saboj adpaviednuju adkaznaść.
Atrymańnie ž vizy harantujecca tolki pry adpaviednaści zajaŭnika vizavym patrabavańniam.
Čytajcie taksama:
U Polščy biełarusa abvinavačvajuć u stvareńni mafii, jakaja handlavała vizami
Hiermanija spraściła afarmleńnie vizaŭ, u tym liku dla biełarusaŭ
Biełaruska vielmi chacieła ŭ Paryž. Joj daviałosia padavać dakumienty na vizu piać razoŭ za hod