Nietańjachu abviaściŭ pra pačatak apieracyi na Zachodnim bierazie
Izrailskija vajskoŭcy i siłaviki pačali kontrterarystyčnuju apieracyju «Žalezny ščyt» na Zachodnim bierazie raki Iardan, paviedamiŭ premjer-ministr Bińjamin Nietańjachu ŭ Ch (tvitary).
Fota: Majdi Mohammed / AP
«Heta jašče adzin krok da dasiahnieńnia našaj mety — umacavańnia biaśpieki ŭ Iudziei i Samaryi. My dziejničajem sistemna i rašuča suprać iranskaj vosi, kudy b jana ni nakiroŭvała svaju zbroju», — napisaŭ jon.
Pra pačatak kontrterarystyčnaj apieracyi ŭ Dženini (administracyjny centr Paleścinskaj aŭtanomii) paviedamiła Armija abarony Izraila (CACHAŁ). Apieracyja pravodzicca sumiesna ź izrailskaj słužbaj biaśpieki i pamiežnaj palicyjaj.
Zachodni bierah raki Iardan — adna z častak častkova pryznanaj Paleściny. Jon kantralujecca Paleścinskaj nacyjanalnaj administracyjaj. Druhaja častka — siektar Haza — kantralujecca isłamisckim rucham CHAMAS.