Praź Biełaruś z pačatku vajny prajechali amal 300 tysiač ukraincaŭ
Ličby, kolki ŭkrainskich hramadzian pierasiakli kantralavanyja pamiežnikami miežy Biełarusi z pačatku poŭnamaštabnaj vajny Rasii suprać Ukrainy, paviedamiŭ Dziaržpahrankamitet.
«Z 24 lutaha 2022 hoda ŭ Respubliku Biełaruś z ukrainskaj terytoryi prybyli 295 020 hramadzian Ukrainy: praz ukrainska-biełaruskuju miažu — 15 989, tranzitam praz Polšču — 216 162, praź Litvu — 56 136, praz Łatviju — 6733», — havorycca ŭ paviedamleńni.
U tym liku z pačatku hetaha hoda zajechali ŭžo 3494 hramadzianina Ukrainy: praz ukrainska-biełaruskuju miažu — 3, tranzitam praz Polšču — 55, praź Litvu — 2805, praz Łatviju — 631.
Kolki za hety čas pryjechała ŭkraincaŭ z boku Rasii, ličbaŭ nie nazyvajecca. Taksama nie ŭdakładniajecca, kolki ŭkraincaŭ za hety čas ź Biełarusi vyjechała i kolki z zafiksavanych zajezdaŭ byli paŭtornymi.
Čytajcie taksama:
Źmienšyłasia kolkaść ukraincaŭ, jakija hatovyja tryvać vajnu stolki, kolki spatrebicca
Va Ukrainie zatrymali mužčynu, jaki pierapraŭlaŭ vajennaabaviazanych u Biełaruś