Bolš za 10 čałaviek patanuli ŭ vańnie praz sardečny prystup za 2024 hod
Tolki z pačatku 2025 hoda ŭžo zarehistravanyja try padobnyja vypadki. Bolš za 10 čałaviek patanuli ŭ vańnie praz sardečny prystup za 2024 hod.
Ilustracyjnaje fota
U hrupie pavyšanaj ryzyki — pažyłyja ludzi i dzieci. Pra heta paviedamili ŭ siužecie, raźmieščanym na YouTube-kanale ahienctva «Minsk Naviny».
«Na žal, apošnim časam nazirajecca tendencyja da pavieličeńnia», — zajaviła viadučy śpiecyjalist minskaj haradskoj arhanizacyi ASVOD Iłona Miaškova. Tolki z pačatku 2025 hoda ŭžo zarehistravanyja try padobnyja vypadki.
Śpiecyjalist raić admovicca ad haračych vannaŭ ludziam z sardečna-sasudzistymi zachvorvańniami, panižanym arteryjalnym ciskam, tym, chto pakutuje ad mihreniaŭ.
«Haračaja vanna źnižaje ŭzrovień cukru ŭ kryvi, tamu jana niebiaśpiečnaja i dla dyjabietykaŭ», — papiaredziła Miaškova.
Praviły biaśpieki
Dla pažyłych ludziej nieabchodna ŭstalavać u vannaj poručni, kab možna było na ich abapiercisia. Pavinna być miesca, dzie možna prysieści. Taksama rekamiendujecca nanieści supraćślizhalnaje pakryćcio abo vykarystoŭvać śpiecyjalnyja dyvanki, piša Tochka.by.
Ludziam va ŭzroście lepš prymać vannu ŭ prysutnaści kahości.
Baćkam nie rajać pakidać dziaciej u vannaj biez nahladu.
Taksama varta vykonvać u vannym pakoi praviły biaśpieki pry karystańni elektrapryborami.
Čytajcie taksama:
Za viečar u Minsku patanuli ŭ vańnie dva čałavieki
Piensijanierka patanuła ŭ vannaj u Mahilovie
Dvoje małych dziaciej ledź nie patanuli ŭ vannaj u Śvietłahorsku