Tramp pryznačyŭ zornych śpiecpasłańnikaŭ u Halivudzie. Siarod ich Meł Hibsan
Abrany prezident ZŠA Donald Tramp pryznačyŭ akcioraŭ i režysioraŭ Meła Hibsana, Silviestra Stałone i Džona Vojta svaimi śpiecpasłańnikami ŭ Halivudzie. Pra heta jon paviedamiŭ na svajoj staroncy ŭ sacsietcy Truth Social.
Fota: Fox News
«Dla mianie vialiki honar abviaścić, što Džon Vojt, Meł Hibsan i Silviestr Stałone buduć maimi śpiecpasłańnikami ŭ vialikim, ale vielmi prablemnym miescy — Halivudzie (štat Kalifornija). U hetaj jakaści jany buduć pracavać nad tym, kab zrabić jaho […] vialikšym, lepšym i macniejšym, čym kali-niebudź raniej», — napisaŭ palityk.
Ciapier dla Halivuda, pa jaho słovach, maje nastać Załaty viek.
«Hetyja try vielmi talenavityja čałavieki buduć maimi vačyma i vušami, i ja zrablu toje, što jany prapanujuć» — zajaviŭ Tramp.
Čytajcie taksama:
Kamanda Trampa razhladaje varyjanty jak źmiakčeńnia, tak i ŭzmacnieńnia sankcyj adnosna Rasii
Miljardery, zamiežnyja hości i eks-prezidenty: chto budzie prysutničać na inaŭhuracyi Trampa
Abiacanych Trampam chutkich mirnych pieramoŭ pa Ukrainie nie atrymajecca