U ZŠA zatrymali «vahnieraŭca», jaki sprabavaŭ pierasiačy miažu praz raku. U jaho ŭ zaplečniku byŭ dron

Eks-najmit PVK «Vahnier» Cimur Pralijeŭ chacieŭ nielehalna trapić u ZŠA, ale papaŭsia pamiežnikam.

Cimur Pralijeŭ. Fota: hrupa «Zaŝitniki Otiečiestva | Baškortostan» u «VKontaktie»

Były «vahnieraviec» Cimur Pralijeŭ byŭ zatrymany 4 studzienia amierykanskimi pamiežnikami, kali jon sprabavaŭ pierajści ŭbrod raku Rya-Hrande i trapić u ZŠA ź Mieksiki.

U zaplečniku ŭ mužčyny znajšli dron, rasijski i kazachstanski pašparty, a taksama 4 tysiačy dalaraŭ i 60 tysiač mieksikanskich piesa (amal 3 tysiačy dalaraŭ), paviedamlaje pamiežnaja słužba.

Pralijeŭ raskazaŭ pamiežnikam, što pracavaŭ u rasijskaj PVK «Vahnier», ale źjaŭlajecca hramadzianinam Kazachstana. Pakul nieviadoma, navošta eks-najmit sprabavaŭ trapić u ZŠA. Mužčynu pryznačyli aryšt, jon zastaniecca ŭ fiederalnaj turmie, pakul ułady buduć dumać, što ź im rabić.

Pralijeŭ sapraŭdy byŭ najmitam PVK «Vahnier». Pryčym mienš za miesiac tamu, 12 śniežnia, jon atrymaŭ paśviedčańnie vieterana bajavych dziejańniaŭ z ruk kiraŭnika filijała fondu «Abaroncy Ajčyny» ŭ Baškartastanie, zaŭvažyła Ruskaja słužba «Radyjo Svaboda». 

Kali Pralijeva departujuć u Kazachstan, tam jaho čakaje sud jak minimum za niezakonnaje atrymańnie rasijskaha hramadzianstva.

Kamientary da artykuła