Valancina Maćvijenka źmierzła na naradzie ŭ Pałacy Niezaležnaści ŭ Minsku
Luboŭ Łukašenki da chałodnych pamiaškańniaŭ časam dastaŭlaje niazručnaści jaho haściam.
Valancina Maćvijenka na pasiadžeńni ŭ Minsku, 6 śniežnia 2024 hoda. Skryn videa kanała «Pieršy infarmacyjny»
6 śniežnia ŭ Minsku prachodziła pasiadžeńnie tak zvanaha Vyšejšaha dziaržaŭnaha savieta Sajuznaj dziaržavy. Na jaho pryjechaŭ Uładzimir Pucin sa svaimi čynoŭnikami. Siarod zaprašanych była i staršynia Savieta Fiederacyi Rasii Valancina Maćvijenka.
Padčas pasiadžeńnia jana źmierzła ŭ zali i pieradała praz pamočnikaŭ, što joj nie pieraškodzić uciaplicca. Puł Łukašenki prynios joj ciopłyja rečy.
Ciopłyja rečy ŭ pakietach Savieta Fiederacyi Rasii. Skryn videa kanała «Pieršy infarmacyjny»
«Cudoŭny pałac, vielmi dobraja vientylacyja, kandycyjanavańnie», — skazała Maćvijenka kanału «Pieršy infarmacyjny». Ale dadała, što była «ciopłaja atmaśfiera».
Na datčyku tempieratury, jaki pakazali paśla, było 18,8 hradusa.
Daŭno viadoma, što Łukašenka nie lubić haračyni, a tamu ŭ pamiaškańniach, dzie jon pracuje, zaŭsiody chaładnavata.