Danija pieradała Ukrainie źniščalniki F-16
Samaloty ŭžo znachodziacca va Ukrainie, skazaŭ Uładzimir Zialenski.
Samaloty F-16 u niebie. Fota ilustracyjnaje
Druhaja partyja źniščalnikaŭ F-16 užo atrymanaja Ukrainaj ad Danii, paviedamiŭ ukrainski prezident Uładzimir Zialenski ŭ telehram-kanale. Jon padziakavaŭ premjeru krainy Miete Frederyksien.
«Druhaja partyja F-16 dla Ukrainy ad Danii ŭžo va Ukrainie», — napisaŭ Zialenski.
ZŠA vydali dazvoł na pieradaču źniščalnikaŭ u traŭni 2023 hoda paśla nieadnarazovych prośbaŭ Kijeva i krain NATO.
Pieršuju partyju F-16 letam pastavili Niderłandy, jakija razam z Danijaj, Bielhijaj i Narviehijaj paabiacali Ukrainie kala 80 samalotaŭ. U pieršuju partyju ŭvajšli šeść F-16.